Tarıh • 22 Jeltoqsan, 2018

Shekara bólimshelerine Er Qosaı men Isataı batyr esimderi berildi

1260 ret

kórsetildi

1 mın

oqý úshin

Atyraý oblysynda Ulttyq qaýipsizdik komıteti Shekara qyzmetiniń Kýdrıashov shekara bólimshesiniń aty ǵasyrlarda el qorǵaǵan batyrdyń qurmetine Er Qosaı Qudaıkeuly dep ózgertildi. Al Isataı aýdanyna qarasty Zabýryn eldi mekeninen №2016 áskerı bólimshesine qaraıtyn zastava ashylyp, oǵan Isataı batyrdyń esimi berildi.

Egemen Qazaqstan

Shekara bólimshelerine Er Qosaı men Isataı batyr esimderi berildi

Kaspıı teńiziniń aýmaǵyndaǵy memlekettik shekaramyzdy qyraǵy kúzetip otyrǵan QR UQK Shekara qyzmeti Jaǵalaý kúzeti óńirlik basqarmasyna qarasty bólimshelerge ulttyq tulǵalardyń esimi berilýi saltanatty jaǵdaıda atalyp ótti. Olarǵa Qurmanǵazy jáne Isataı aýdandarynyń basshylyqtary da qatysty.

- Qurmanǵazy aýdanynda ortalyǵy Ganıýshkınnen bastap, Kırov, Dárish aýyldarynyń da ataýlary ózgertildi. Ideologııalyq jaǵynan eskirgen ataýlar ózgertilip, olardyń ornyna tarıhı máni bar jer-sý attary men laıyqty dep tabylǵan tulǵalardyń esimderi qoıylyp jatyr, — deıdi Atyraý oblystyq tilderdi damytý jónindegi basqarmasynyń onomastıka jáne kórneki aqparatqa baqylaý jasaý bólimi bóliminiń basshysy Jemis Dııasheva.